Medžuslovjansky manifest 2019
Interslavic manifesto 2019

Medžuslovjansky jest pomočny jezyk, ktory slovjani različnyh narodov koristajut do komunikacije jedin s drugym. Medžuslovjansky jezyk ravno piše se latiniceju i kyriliceju. Vsim ne jest trěba se učiti medžuslovjansky jezyk, ale jedino ljudjam, ktori aktivno rabotajut v turistikě, kulturě, biznesu, ili občinskom voditeljstvu. Obače tomu vsih 400 milionov slovjanskojezyčnyh ljudij na světu mogut koristiti razumivost pisanomu ili slyšenomu medžuslovjanskomu jezyku bez učenja.

Меджусловјанскы јест помочны језык, кторы словјани различных народов користајут до комуникације једин с другым. Меджусловјанскы језык пише се равно латиницеју и кырилицеју. Всим не јест трєба се учити меджусловјанскы језык, але толико људјам, ктори активно работајут в туристикє, културє, бизнесу, или обчинском водитељству. Обаче тому всих 400 милионов словјанскојезычных људиј на свєту могут користити разумивост писаному или слышеному меджусловјанскому језыку без учења.

Interslavic is an auxiliary language used by Slavs of different nations to communicate with each other. Interslavic language is written equally in Latin and Cyrillic. All people do not need to learn the Interslavic language, but only those who actively work in tourism, business, culture, or public administration. However all 400 million Slavic-speaking people in the world can benefit from understanding written and spoken Interslavic without the need for learning.

Medžuslovjansky jezyk jest projekt do budučnosti. Ne služi instrumentom nostalgije po mitičnoj historiji, i ne izražaje političny panslavizm ni sentiment protiv modernoj civilizaciji.

Меджусловјанскы језык јест пројект до будучности. Не служи инструментом носталгије по митичној хисторији, и не изражаје политичны панславизм ни сентимент против модерној цивилизацији.

Interslavic language is a project for the future. It does not serve as a tool of nostalgia for the mythical past, nor does it express political panslavism or sentiment against modern civilization.

Medžuslovjansky jezyk pomagaje vyše dobromu znanju i razuměnju slovjanskyh narodov medžu soboju, i da by slovjanske narody takože i v budučem ostavali na prvoj liniji vozhoda člověčstva.

Меджусловјанскы језык помагаје лучшему знању и разумјењу словјанскых народов меджу собоју, и да бы словјанске народы такоже и в будучем оставали на првој линији возхода чловєчства.

Interslavic language helps a better knowing and understanding among the Slavic nations and keeps the Slavic nations also in the future in the first line of human ascension.

Medžuslovjansky jest pomočny jezyk, ktory svezuje slovjansku kulturnu jezykovu oblast v vsej jejinoj raznorodnosti, ale ne hoče nikako brati město živym narodnym slovjanskym jezykam.

Меджусловјанскы јест помочны језык, кторы свезује словјанску културну језыкову област в всеј јејиној разнородности, але не хоче никако брати место живым народным словјанскым језыкам.

Interslavic is an auxiliary language that binds the Slavic cultural linguistic area in all its diversity, but has no ambition in any way to replace any living national Slavic language.

Vsaky člověk može medžuslovjansky jezyk svobodno i bezplatno koristiti vsekako hoče, ako li medžuslovjanskym jezykom ne razrušaje ljubov, toleranciju, ili bratstvo člověka k člověku.

Всакы чловєк може меджусловјанскы језык свободно и безплатно користити всекако хоче, ако ли меджусловјанскым језыком не разрушаје љубов, толеранцију, или братство чловєка к чловєку.

Everybody can use the Interslavic language freely and free of charge as they wish, provided that the Interslavic language does not intrude the love, tolerance, or brotherhood of man to man.

Medžuslovjansky jezyk jest kolaborativny projekt upravjany od dobrovoljcev. Prizyvajemo Vas rabotati zajedno s nami, kontaktujte nas, i pomagajte razvoju i praktičnomu širjenju medžuslovjanskogo jezyka.

Меджусловјанскы језык јест колаборативны пројект управјаны од добровољцев. Призывајемо Вас работати заједно с нами. Контактујте нас, и помагајте развоју и практичному ширјењу меджусловјанского језыка.

Interslavic language is a collaborative project operated by volunteers. We invite you to work together with us. Contact us, and help to develop and practically spread of the Interslavic language.